Антычнасць

Навуковы светапогляд ёсць стварэнне і выраз чалавечага духу.

В. І. Вернадский

Прыродазнаўства не проста апісвае і тлумачыць прыроду; яно з'яўляецца часткай нашага ўзаемадзеяння з ёй.

Вернер Гейзенберг

Навука - гэта працэс атрымання ведаў і адказаў на пытанні пра свет і пра тое, як ён уладкованы. У наш час навука складаецца з асобных галін. Але ў старажытнасці людзі не рабілі ніякіх адрозненняў паміж навукай і іншымі формамі вывучэння рэальнасці. Шматлікія праблемы, якія мы цяпер лічым навуковымі, даўней атрымлівалі рэлігійнае ці філасофскае тлумачэнне, хоць ужо ў аддаленыя, дагістарычныя, часы з'явіліся зародкі неабходных для паўсядзённага жыцця навук астраноміі і матэматыкі.

Адной з найстаражытных цывілізацый у гісторыі чалавецтва была егіпецкая. Гэта дзяржава паўстала больш пяці тысяч гадоў назад. Старажытным егіпцянам былі знаёмыя пачаткі матэматыкі, астраноміі, медыцыны, якія насілі прыкладны характар і выкарыстоўваліся для сістэм ірыгацыі, будаўніцтвы і дзяржаўнага кіравання. У IV тыс. да н. э. былі вынайдзены сонечныя і вадзяныя гадзіны. Матэматычныя папірусы ўтрымоўвалі складанкі задач з рашэннямі. Выкарыстоўваліся ў разліках арыфметычная і геаметрычная прагрэсіі. У эпоху Сярэдняга царства (да XVT у. да н. э.) вядомыя раўнанні з двума невядомымі і элементы стэрэаметрыі (вылічэнне аб'ёмаў). У егіпцян існавала дзесятковая сістэма вылічэння, яны ўмелі вылічаць паверхню трыкутніка, трапецыі і нават круга, прымаючы лік 71 = 3,14. На аснове назіранняў за нябеснымі свяціламі быў складзены каляндар, паводле якога год падзяляўся на 12 месяцаў, ці 365 дзён. Мяркуюць, што першы каляндар увёў егіпецкі жрэц Імхатэп (2650 г. да н. э.).